د کابل سروبي کې د انار او املوکو ترویج په موخه د ۲۷۰۰ اصله نیالګیو کېنولو چارې پیل شوې
۳۰ وری ۱۴۰۴ ه.ش
۲۱ شَوّالُ المُکَرَّم ۱۴۴۶ه.ق
د کابل د کرنې، اوبو لګولو او مالدارۍ ریاست سره په همغږۍ د روپانې بنست په مالي لګښت او د سروبي ولسوالی دکرنې مدیریت په تخنیکي همکارۍ د سروبي ولسوالی د فرمانبیک حوزې په سیمه کې، چې د یاد بنسټ له خوا د اوبولګولو دوه کانالونه جوړ شوي دي، د یادو کانالونو شاوخوا کې د انار او املوکو ۲۷۰۰ نیالګي کېنول شوي، چې په دغو نیالګیو کې ۱۲۰۰ د انار او ۱۵۰۰ د املوکو بڼونه شامل دي.
د کابل د کرنې، اوبو لګولو او مالدارۍ ریاست چارواکي وایي، چې د انار او املوکو د ښو ډولونو ترویج، بزګرانو لاسنېوي او ځنګلو بیا رغولو په موخه د سروبي ولسوالی د فرمانبیک حوزې په سیمه کې ۲۷۰۰ د انار او ملوکو نیالګي کېنول شول.
د کابل د کرنې ریاست هڅه کوي، چې په دې ولایت کې بېلا بېل ډوله بوټي د ترویج او ښه حاصل ترلاسه کولو په موخه وکري.
