ننګرهار کې د کوچیانو ستونزو حل او مالدارۍ سکتور پیاوړتیا په موخه ناسته ترسره شوه
د ننګرهار دکرنې، اوبولګولو او مالدارۍ رییس د خپل کار په د فتر کې د کوچیانو ریاست استازو، د ماشومانو ساتني مؤسسې مسؤلینو او د کرنې ادارې امرینو سره د کوچیانو ستونزو حل په موخه ګډه ناسته ترسره کړه.
ددې ناستې په ترڅ کې د کوچیانو ریاست استازی زاهدالله احمدزي د ننګرهار د کرنې رییس سره د کوچیانو ستونزو شریکولو سربېره په بېلابېلو برخو کې د مرستو وړاندیز وکړ اوهم یې د څړځایونو، حیواني خوراکي، ناروغیو مخنیوي واکسینونو دهمکارۍ غوښتنه وکړه.
د ننګرهار د کرنې رییس مولوي محمد ولي محسن په ناسته کې مسؤلینو ته ډاډ ورکړ چې د مالدارۍ سکتور د پیاوړتیا لپاره به په مختلفو برخو کې ددوی لاسنیوي وکړي.
ښاغلي محسن وویل، چې په نږدې راتلوونکي کې به زرګونه کوچانو سره د واکسینونو، چنجیو ضد درملو، عامه پوهاوي او نورو اړوند برخو کې مرستې وکړي.
باید وویل شي، چې موده وړاندې په ننګرهار کې ۲۰۰ زره وړو شخوندوهوونکو او په ځانګړې ډول د کوچیانو څارویو ته د طاعون واکسینونه هم تطبیق شوي.
