لغمان کې د څارویو سرشمېرنه پیل شوه
د لغمان د کرنې، اوبو لګولو او مالدارۍ ریاست په هڅو د ملګرو ملتونو د خوړو او کرنې ادارې په مالي مرسته په لغمان کې د څارویو ملي سرشمېرنه عملاً پیل شوه.
یاده سر شمیرنه به د ۳۵ وترنر ډاکټرانو پرمت، ددې ولایت دمرکز په ګډون په ټولو ولسوالیو کې د څارویو شمېر معلومولو، وضعیت ارزولو او داړتیا په وخت کې د بېړنیو مرستو رسولو په موخه سروې ترسره کوي.
په همدې موخه د لغمان د کرنې ریاست د عشراو زکات راټولولو امر او د کرنې ریاست سرپرست قاري ذبیح الله هشام له لوري یادو وترنر ډاکټرانو سره د کرنې په ریاست کې دهمغږۍ ناسته وشوه اوهغوی ته یې سپارښتنه وکړه، چې دغه چاره په پوره دقت او د اصولو مطابق ترسره کړي.
ښاغلي هشام د څارویو سر شمېرنه د مالدارۍ سکتور په پیاوړتیا کې مهمه وبلله.
دیادولو وړده، چې وړاندې تر دې د مالدارۍ کره شمېره موجود نه وه خو ددې سروې په بشپړېدو سره به دمالدارۍ بشپړ ارقام موجود وي، چې دمحصلینو ترڅنګ په نورو احصایوي برخو کې به وکارول شي
