ننګرهار کې پر امارتي ځمکو جوړو شوو مخابراتي سایټونو حسابونه تصفیه کېږي
د ننګرهار د کرنې، اوبو لګولو او مالدارۍ ریاست چارواکي وایي، چې په دې ولایت کې پر امارتي ځمکو جوړو شوو د مخابراتي سایټونو د حسابونو د تصفیې لړۍ پیل شوی دی.
په همدې موخه د ننګرهار دکرنې رییس مولوي محمد ولي محسن د اتصالات مخابراتي شبکې د قراردادونو استازي صهیب امین سره په کتنه کې د اتصالات مخابراتي سایټونو تصفیې، نوي قراردادونو او دهمغږۍ په هکله خبرې اترې وکړې.
د ننګرهار د کرنې رییس مولوي محمد ولي محسن د اتصالات کمپنۍ مسؤل ته د حسابونو دتصفیې، عوایدو پر وخت اجرآ کولو او نورو اړونده برخو کې لازمې سپارښټنې وکړې.
په همدې حال کې د اتصالات کمپنۍ قراردادونو استازي صهیب امین د قراردادونو او انتنونو د پیسو پر وخت اجرآتو ډاډ ورکړ.
په ننګرهار کې لسګونه مخابراتي شبکو آنتنونه په بېلا بېلو ولسوالیو کې پر امارتي ځمکو کې نصب شوي، چې د امارت د اصولو له مخې به د ټولو سره یو ډول چلند ترسره کېږي.
