د میدان وردګو په جلګې ولسوالۍ کې کارګرانو ته نغدې پیسې ووېشل شوې
۳ وری ۱۴۰۴ ه.ش
۳۲ رَمَضانُ المُبارَک ۱۴۴۶ه.ق
په جلګې ولسوالۍ کې د کرنیزو پروژو کارګرانو ته د اف اې او په مالي ملاتړ نغدې پیسې ورکړل شوې، چې هر کارګر ته د ۱۰۰ ډالرو معادل ۷زره او ۳۴ افغانۍ ووېشل شوې.
د میدان وردګ ولایت دایمیرداد (جلګې) ولسوالۍ په بېلابېلو حوزو، لکه تنګي، سیدانو، چنګې، احمدخیلو او ګرم آب کې، هغو کارګرانو ته نغدې پیسې ووېشل شوې، چې څه موده وړاندې یې د ترانچونو او چک ډیمونو په جوړولو کې کار کړی و. دغه مرستې د کرنیزو خدمتونو او سټارز مؤسسې په همکارۍ، د کرنې او خوراک نړیوال سازمان اف اې او په مالي ملاتړ ترسره شوې.
د دایمیرداد ولسوالۍ اوسېدونکو د کرنیزو خدمتونو او سټارز مؤسسې له همکارۍ مننه وکړه او د ورته پروژو د دوام غوښتنه یې وکړه، ترڅو هم خلکو ته د کار زمینه برابره شي او هم د اوبو مدیریت وشي.
