د هلمند کرنې ریاست کارکوونکو له لوري د هلمند پوهنتون د کرنې محصلینو ته عملي زدهکړې
د هلمند پوهنتون د کرنې پوهنځي د څلورم ټولګي اتم سمستر محصلینو ته د هلمند ولایت د کرنې، اوبو لګولو او مالدارۍ ریاست د څېړنو عمومي مدیریت اړوند څېړنیز فارم کارکوونکو له لوري عملي زدهکړې ورکړل شوې.
د یادو زدهکړو په ترڅ کې محصلینو د کرل شوو تجربو څخه له نږدې لیدنه وکړه او ورته د غنمو تجربو، مورني او هستوي تخم تولید قطعاتو موخې او ارزښت، د لیګومي نباتاتو د کرکترونو د نیولو مطالعه، د اګرانومي تجربو تشریح او اړتیا، د سبزیجاتو د تخم تولید، خالصسازي او مورني تخم تولید فرصتونو په اړه مفصل معلومات ورکړل شول.
یادې عملي زدهکړې د محصلینو د عملي مهارتونو پیاوړتیا او څېړنیزو وړتیاوې لوړنې په موخه ترسره شوې.
