د میدان وردګو نرخ ولسوالی کې د ګیلاسو بڼونه جوړېږي
د ننګرهار د کرنې، اوبو لګولو او مالدارۍ ریاست په هڅو د خوړو نړۍوال پروګرام په مالي او د سټارز مؤسسې په تخنیکي همکارۍ د میدان وردګو ولایت د نرخ په ولسوالی کې یوشمېر بڼوالو ته د ګیلاسو معیاري بڼونه جوړېږي.
د میدان وردګو ولایت د کرنې، اوبو لګولو او مالدارۍ ریاست چارواکي وایي، چې یاد بڼونه د نشه یي توکو بدیلو پروګرامونو له لارې پلي کیږي او هڅه کوي د نشه یي توکو مخنیوي په موخه لوړ حاصل ورکوونکي (متراکم ) نور بڼونه هم جوړ کړي.
د چارواکو په خبره دبڼونو کرلو لپاره هر بڼوال ته نیالګي او د بڼ جوړولو اړین توکي ورکول کېږي، چې په نږدې راتلوونکي کې به په بڼونو کې د پایو او لینونو نصبولو چارې هم پیل شي.
دغه راز یادو بڼوالو ته په بڼونو د کرنیزو عملیو ترسره کولو، اوبو لګولو، سرې استعمال، هرزه وښو کنټرول او نورو اړونده برخو کې عملي او نظري روزنه هم ورکړل شوې ده او په راتلوونکي کې به هم د حاصل ټولولو، بسته بندۍ، سورت بندۍ او نورو برخو کې روزنه ورکړل شي.
