میدان وردګو کې د سکتوري ادارو او غیر دولتي مؤسسو غونډه دائره شوه

د میدان وردګو ولایت د کرنې، اوبولګولو او مالدارۍ ریاست په تالار کې د سکتوري ادارو او غیر دولتي مؤسسو ترمنځ غونډه وشوه.
غونډه د قران کریم د څو مبارکو آیتونو په تلاوت سره پیل شوه. ورپسې، د کرنې، اوبولګولو او مالدارۍ رئیس الحاج مولوي نیازمحمد عابد د غونډې ګډونوالو ته ښه راغلاست ووایه او د غونډې پر اهمیت یې مفصلې څرګندونې وکړې.
نوموړي د سکتوري ادارو له مسؤلینو وغوښتل، چې په منظم ډول په دې غونډو کې ګډون وکړي، څو د خپلو فعالیتونو د ښه‌والي او همغږۍ بهیر لا پیاوړی شي.
په غونډه کې د کلیو پراختیا، چاپېریال ساتنې او کرنې ریاستونو اړوند او نورو ګډونوالو خپل نظرونه او وړاندیزونه شریک کړل.
د غونډې په پای کې اړینې پرېکړې وشوې، چې موخه یې د سکتوري ادارو ترمنځ د همکاري لا پیاوړې کول دي. غونډه د دعا په ویلو سره پای ته ورسېده.