ننګرهار کې ۱۱۸۰ کاریګرو ته د کار په بدل کې دنغدو پیسو د ېش لړۍ پیل شوه
۲۳ کب ۱۴۰۳ه.ش
۱۳ رَمَضانُ المُبارَک ۱۴۴۶ه.ق
د ننګرهار د کرنې، اوبولګولو او مالدارۍ ریاست سره په همغږۍ د ملګرو ملتونو د خوړو او کرنې ادارې په مالي او داکشن اېډ مؤسسې په تخنیکي همکارۍ ۱۱۸۰ تنو کاریګرو ته دکار په بدل کې نغدو پیسو وېش پیل شو.
د ننګرهار د کرنې، اوبولګولو او مالدارۍ رییس مولوي محمدولي محسن وویل، چې د ننګرهار په درېیو ولسوالیو مومندره، غني خېل او دره نور کې ۱۱۸۰ تنو کاریګرو ته د کار په بدل کې د نغدو پیسو د وېش لړۍ پیل شوې، چې په ترڅ کې یې هر کاریګر ته ۱۴ زره او ۶۱۶ افغانۍ د ۴۰ کاري ورځو مزد ورکول کېږي.
نوموړي وویل، چې د یادو کاریګرو په مرسته په دغو شولسوالیو کې یو شمېر واړه چکډېمونه، واټر شیټونه جوړ او لسګونه کاریزونه، کانالونه،پلچکونه او ګودرونه جوړ شوي دي.
د ننګرهار دکرنې رییس وویل، چې ددې کار څخه یې موخه بزګرانو ته د اوبو لګولو په برخه کې اسانتیا رامنځته کول، د ځمکې لاندې اوبو د کچې لوړول او خلکو ته کاري بوختیاوي رامنځته کول دي.
