د میدان وردګو ولایت مرکز میدان ښار کې یوشمېر قصابۍ وڅارل شوې
۲۰ کب ۱۴۰۳ه.ش
۱۰ رَمَضانُ المُبارَک ۱۴۴۶ه.ق
د میدان وردګو ولایت د کرنې، اوبولګولو او مالدارۍ ریاست اړوند د مالدارۍ خدمتونو او څارويو روغتيا امریت مسلکي کارکوونکو لخوا مرکز میدان ښار کې له یو شمېر قصابیو څخه څارنه او ارزونه ترسره شوه.
دیادې څارنې په ترڅ کې د قصابیو د غوښو ارزونه وشوه او دغه راز قصابانو ته ځانګړې لارښودنې او توصیې وشوې.
د دغې څارنې او ارزونې موخه د خرابو او غیر صحي غوښو د پلور مخنیوی، د قصابیو لا ښه تنظیم، د حفظ الصحې مراعتول او اړونده قصابانو ته په مسلخ (مذبح) کې د څارویو د حلالولو توصیه ده.
ددې څارنې په ترڅ کې دغه راز د کرنې ادارې مسلکي کارکوونکو لخوا د قصابیو اړوندو هټیوالو ته په بېلابېلو برخو کې مسلکي او اړینې سپارښتنې وشوې.
