خوست کې د کبانو هچرۍ ته نږدې کانال د جوړولو چارې بشپړې شوې
۱۵ کب ۱۴۰۳ه.ش
۵ رَمَضانُ المُبارَک ۱۴۴۶ه.ق
د خوست ولایت د کرنې، اوبولګولو او مالدارۍ ریاست تر چتر لاندې د کبانو د هچرۍ لپاره د محافظوي کانال د جوړولو چارې بشپړې شوې.
یاد کانال د هچرۍ تر څنګ تېرېږي، چې د اوبو د منظم بهیر د تأمین تر څنګ به د هچرۍ ودانۍ ته د اوبو د زیان رسېدو مخه ونیسي. د دې کانال جوړول د کبانو د روزنې او د هچرۍ د دوامداره فعالیت لپاره مهم ګام بلل کېږي.
د کرنې، اوبولګولو او مالدارۍ ریاست مسؤلین وايي، چې د یاد کانال جوړېدل به د کبانو د روزنې سکټور ته وده ورکړي او د کبانو د تولید د زیاتوالي ترڅنګ به سیمهییزې اقتصادي ګټې هم ولري.
دا پروژه د کرنې، اوبولګولو او مالدارۍ ریاست د پلان له مخې عملي شوې او مسؤلین وایي، چې د ورته نورو مهمو پروژو د پلي کېدو هڅې هم روانې دي.
