د کندهار بولدک کې د طبي بوټو د قاچاق مخه ونیول شوه
۱۳ کب ۱۴۰۳ه.ش
۳ رَمَضانُ المُبارَک ۱۴۴۶ه.ق
دکندهار ولایت د کرنې، اوبولګولو او مالدارۍ ریاست وایي، چې ددې ولایت د بولدک په ولسوالی کې د سسي طبي بوټو د قاچاق مخه ونیول شوه.
دا په داسې حال کې ده، چې په دې ولایت کې د سسي بوټي څخه په مسلکي ډول د ګټې اخستنې په پار له شرکتونو سره قرارداد لاسلیک شوی دی.
د سسي بوټو څخه د استفادې کولو په منظور د کرنې وزارت د ځانګړي طرزالعمل له مخې د ولایت مقام په همکارۍ ګټه اخیستل کېږي، چې د قراداد پیسې به یې په اصولي ډول د اسلامي امارت د وارداتو حساب ته جمعه کېږي.
د یادونې وړ ده، چې د کندهار د کرنې ریاست په وروستیو کې د طبیعي بوټو د قاچاق او پرېکولو د مخنیوي لپاره ګڼ شمېر کمپاینونه ترسره کړي دي، چې څو ورځې وړاندې د پنجوایي په ولسوالی کې هم د شملغې او سسي بوټو د قاچاق مخه نیول شوې وه.
