پکتیا کې پر ۳۰۰  بزګرانو د سبو تخمونه او نغدې پیسې ووېشل شوې

د پکتیا ولایت دکرنې، اوبولګولو او مالداری ریاست د پاملرنې مؤسسې په همکارۍ ددې ولایت په زرمت ولسوالۍ کې ۳۰۰ تنو بزګرانو ته د سبو ډول ډول تخمونه، ۲۵ کیلو ګرامه سپینه سره، ۲۵ کیلو ګرامه توره سره، ۶۴۰۰ نغدې پیسې او یو پایه د سبو وچولو ماشین (سولر ډرایر) ووېشل شو، او ترڅنګه یې یادو کروندګرو ته د تخمونو د کرکیلې په برخه کې لازمې لارښوونې هم وشوې.
د وېش په مراسمو کې د کرنې، اوبولګولو او مالدارۍ ریاست د کرنیزو چارو لوی مدیر عزیزالله کریمي، د پاملرنې مؤسسې مسئول انجنیر محمد اضغر صدیقیار او دیادې ولسوالۍ بزګرانو او قومي مشرانو ګډون کړی وو.
د کرنیزو چارو لوی مدیر کریمي وویل، چې د یادو تخمونو د وېش څخه یې موخه د سبو د تولید زیاتوالی او د اصلاح شویو تخمونو رواجول دی او زیاته یی کړه، چې یاد تخمونه ددې ولسوالی لپاره بسنه نه کوی او د نورو فعالیتونو غوښتنه یې هم وکړه.
همدارنګه د یادې مؤسسې مسئول وویل، چې تر دې وړاندې ددوی سروې ترسره شوې وه او نن ورځ عمل توزیع شو.
د یادلو وړ ده، چې د سبو وچولو ماشین (سولر ډرایر) به په څو نږدې ورځو کې پر یادو بزګرانو ووېشل شي.