ننګرهار کې ۱۴۰ کورنیو ته د چرګانو خوراکه ووېشل شوه
د ننګرهار د کرنې، اوبو لګولو او مالدارۍ ریاست سره په همغږۍ ستاسو غږ مؤسسې له لورې په کوټ او بټي کوټ ولسوالیو کې ۱۴۰ تنو هغو کورنیو ته چې پخوا ورته کورني چرګان ورکړل شوي ؤ خوراکه ووېشل شوه.
د ننګرهار کرنې، اوبو لګولو او مالدارۍ رییس مولوي محمد ولي محسن وویل، چې ستاسو غږ مؤسسې له لورې هرې کورنۍ ته ۱۵۰ کیلو ګرامه د چرګانو دانه ورکړل شوه. نوموړې وویل، چې په تېر کې هم دې مؤسسې یادو کورنیو ته د چرګانو تغذي په موخه خوراکه، چرګان او اړین وسایل ورکړي ؤ.
د ستاسو غږ موسسې مسؤل انجنیر فرهاد علي وویل، چې دوی په کوټ او بټي کوټ ولسوالیو کې ۱۲۰ کورنیو ته څلور ځلې د ۷۵ ډالرو معادل نغدي افغاني هم د خوړو خوندیتوب په موخه ورکړي دي.
