دهلمند بولان څېړنیز فارم کې دبېلابېلو مېوو نوي بڼونه جوړ شوي

۱  کب ۱۴۰۳ه‍.ش
۲۰ شَعبان المُعَظّم ۱۴۴۶ه‍.ق
دهلمند ولایت د کرنې، اوبولګولو او مالدارئ ریاست اړوند بولان څېړنیز فارم کې د ژمي په موسم کې ګڼې چارې ترسره او یاهم روانې دي.
په دغه فارم کې د پلان له مخې  د نویو بڼونو او قوریو جوړول او د مېوو بڼونو ښاخبري او تاکبري ترسره شوي، چې په جوړښت کې یې د  زیتونو بڼ، د انګورو  ۱۹ ډولونو ، د انارو ۲۲ ډولونو او د ٨ ډوله شفتالو نوي بڼونه جوړ شوي دي.
ددې ترڅنګ دفارم نږدې ۲۴ جریبه ځمکه کې د انګورو او مېوه لرونکو ونو تاکبري، ښاخبري او د کیمیاوي سرې کارونې چارې دوام لري.
د یادولو وړ ده، چې دا مهال د بولان څیړنیز فارم کې دغه تجربې د مسلکي کارکوونکو لخوا تر څېړنو لاندې دي، چې پر وخت به یې ټولې چارې تر سره شي.