د ننګرهار کرنې ریاست د کارکوونکو د اجرااتو کلنۍ ارزونه پیل شوه
د ننګرهار اداري اصلاحاتو او ملکي خدمتونو ریاست له لورې دننګرهار د کرنې ریاست د کارکوونکو د اجرااتو کلنۍ ارزونه پیل شوه.
د ننګرهار د کرنې، اوبولګولو او مالدارۍ رییس مولوي محمد ولي محسن وویل، چې داداري اصلاحاتو او ملکی خدمتونو ریاست له لورې د کرنې، اوبولګولو او مالدارۍ ریاست د امرینو او مدیرانو کلنۍ ارزونې پیل شوي او کارکوونکي به دخپل یو کال په موده کې ترسره کړې کړنو، لاسته راوړنو او راتلونکو پلانو درلودلو په اساس وارزول شي، خو سږ کال به دهر مدیر د دندو لایحي مطابق د اجرآتو مستند اسناد او مدارک غوښتل کیږي او دهمدې ارزونې په اساس به کارکونکوته امتیاز ورکول کېږي.
د ادارې اصولو له مخې هر کارکوونکي په کال کې یو ځل د هغه د یو کال د کړو کړنو له مخې ارزول کېږي.
د ننګرهار د کرنې، اوبولګولو او مالدارۍ ریاست ۶۶۳ تنه کارکوونکی لري، چې په ترتیب سره به د هریوه کارکوونکی ارزونه ترسره شي.
