د کرنې وزارت د اراضۍ لوی رياست لخوا صنعت او سوداګرۍ وزارت ته ځمکه انتقالېږي
۱۳ سلواغه ۱۴۰۳ه.ش
۳ شَعبان المُعَظّم ۱۴۴۶ه.ق
د کرنې، اوبولګولو او مالدارۍ وزارت د اراضۍ لوی ریاست کې جوړه شوې غونډه کې، چې د اراضۍ لوی ریاست د استملاک او بيا مېشتېدنې عمومي رییسمولوي عبدالعلي عمري، د صنعت او سوداګرۍ وزارت د صنعتي پارکونو عمومي رییس قاري عبدالمجید قیام او د اراضۍ لوی رياست د ځمکو د انتقال او وېش رییس مولوي سید محمد سعید ګډون صنعت او سوداګرۍ وزارت ته د ځمکې پر لېږد خبرې اترې وشوې.
ياده ځمکه د صنعت او سوداګرۍ وزارت په غوښتنه او د عالیقدر امیرالمؤمنین (حفظه الله تعالی) د حکم په اساس د اراضۍ لوی رياست لخوا صنعت او سوداګرۍ وزارت ته د هېواد په څلورو ولایتونو پکتيکا او لوګر ولایت کې په زر زر جريبه ځمکه، کندز ولایت کې په لس زره جریبه ځمکه او ننګرهار ولايت کې په شل زره جریبه ځمکه باندې د صنعتي پارکونو د جوړولو په موخه انتقالېږي.
د یادې ځمکې لېږد ټړون د کرنې وزارت د اراضۍ ادارې د استملاک او بيا مېشتېدنې عمومي رییس مولوي عبدالعلي عمري او د صنعت او سوداګرۍ وزارت د صنعتي پارکونو عمومي رییس قاري عبدالمجید قیام ترمنځ لاسلیک شوه.
