ننګرهار کې د نږدې ۱۸ میلیونه افغانیو په لګښت چکډېمونو جوړولو چارې پیلېږي
۱۳ سلواغه ۱۴۰۳ه.ش
۳ شَعبان المُعَظّم ۱۴۴۶ه.ق
دکرنې وزارت د او بولګولو او نوې ټکنالوژې رییس مولوي معاذ الله عادل په مشرۍ پلاوی ننګرهار ولایت د سفر په ترڅ کې د دې ولایت د کرنې رییس مولوي محمد ولي محسن سره په ننګرهار کې د چکډېمونو جوړولو په موخه وکتل.
دکرنې وزارت د او بولګولو او نوې ټکنالوژې رییس مولوي معاذ الله عادل وویل، چې د امیرالمومنین حفظه الله د ځانګړې لوریني لمخې د افغانستان په ټولو ولسوالیو کې د چکډېمونو د جوړولو حکم شوی ؤ چې په ننګرهار کې د ۱۵ چیکډېمونو رغنیزې چارې بشپړ او د پاتي ۷ نورو کارونه به په نږدې ورځو کې پیل شي.
ښاغلي عادل وویل، چې دغه چکډېمونه د ننګرهار په اچین، ګوشته، هسکه مېنه، پچیراګام، کامه، مهمندره او بټې کوټ ولسوالېو کې د بارانې اوبو زېرمه کولو او د ځمکي لاندې اوبو د سطحي لوړولو په موخه جوړېږي، چې د سیمي سلګونو خلکو ته به د کار زمینه هم برابره شي.
د ننګرهار د کرنې، اوبو لګولو او مالدارۍ رییس مولوی محمد ولي محسن د چکډېمونو پر جوړولو خوښې وښوده او د هراز همکارۍ ډاډ یې څرګند کړ.
