ننګرهار وادي کرنیز امارتي شرکت کې د زيتونو تولید زيات شوی
۱۳ سلواغه ۱۴۰۳ه.ش
۳ شَعبان المُعَظّم ۱۴۴۶ه.ق
ننګرهار وادي کرنیز امارتي شرکت د خپلو څلورګونو فارمونو په شاوخوا ۱زر او ۸۰۰ هکتاره ځمکه کې د زيتونو بڼونه جوړ کړي دي.
د شرکت د معلوماتو له مخې، د زيتون د تېلو د روانې پروسې له پای ته رسېدو سره به شاوخوا ۱۳۰ زره لیتره سوچه، خالص او تازه تېل تولید شي، چې دا د تېرو کلونو په پرتله زیاتوالی ښيي. د شرکت مسوولین وايي، چې د زيتونو بڼونه د اقتصادي پیاوړتیا ترڅنګ د دې کرنیز شرکت د پرمختګ لپاره ځانګړی ارزښت لري.
د ننګرهار وادي کرنېز امارتي شرکت هیله لري، چې د باغونو پراخوالي او د نویو بڼونو جوړېدو له لارې نه یوازې د سیمې اوسېدونکو ته د کار فرصتونه زیات شي، بلکې د زيتون تېل، اچار او نور تولیدات به په پراخه کچه نورو هېوادونو ته هم صادر شي.
