هلمند کې لسګونه بې وزله کورنیو سره مرسته وشوه
۱۳ سلواغه ۱۴۰۳ه.ش
۳ شَعبان المُعَظّم ۱۴۴۶ه.ق
د هلمند ولایت دکرنې، اوبولګولو او مالدارۍ ریاست لخوا، د افغانستان لپاره د هالینډ کمیټې په مالي همکارۍ، د ناوې ، مارجې او ګرمسېر ولسوالیو پر۶۵ بې وزلو او اړمنو کورنیو د شېدو ورکوونکو نسلي وزې او حیواني خوراکه ووېشل شوه.
دیادې پروسې د پیل په مراسمو کې د هلمند کرنې ریاست اړوند د مالدارۍ او حیواني روغتیا آمر حافظ هدایت الله هدایت او نورو مسؤلینو هم حضور درلود.
ښاغلي هدایت وویل، چې ددغو مرستو په لړ کې هرې مستحقې کورنۍ ته ٢ راسه د شیدو وزې، ١٠٠ کیلوګیرامه خوراکه او د اوبو او خوراک لوښې وېشل شوي دي.
د یادولو وړ ده، چي د مستحقو کورنیو د تثبیت، انتخاب او توزیع چارې د ګډو کمیټو لخوا په شفاف ډول ترسره شوي دي.
