د میدان وردګ ولایت په اول خېلو کلي کې د یوې سړې خونې څخه لیدنه وشوه
د میدان وردګ د کرنې، اوبو لګولو او مالدارۍ رییس او ورسره مل پلاوي د میدان ښار د اول خېلو کلي کې د سړې خونې څخه لیدنه وکړه.
یاده سړه خونه، چې د "احمدي او مشتاق کروخي" په نامه مشهوره ده، د ۵۰۰ ټنه مڼو د ساتلو ظرفیت لري. د مسؤل کس په وینا، په دې سړه خونه کې زیاتې بیروتۍ، مارلینګ، او سپینې مڼې ځای په ځای شوې دي.
د لیدنې پر مهال څرګنده شوه، چې ټول ماشینونه فعال او په ښه حالت کې کنټرول شوي دي. د مسؤلینو په وینا، په دې سړه خونه کې مڼې تر اوږدې مودې پورې تازه او سالمې ساتل کېږي.
د میدان وردګ ولایت د مڼو د تولید له پلوه ځانګړی ځای لري. د داسې سړو خونو جوړېدل د دې مېوو د تازه ساتلو ترڅنګ، د کروندګرو لپاره اقتصادي ګټې او د مارکېټ اړتیاوې پوره کولو کې مرسته کوي.
