د لغمان د کرنې رییس د میکانیزې مدیریت له کرنیزو ماشینونو او وسایلو څخه لیدنه وکړه
د لغمان د کرنې، اوبولګولو او مالدارۍ رییس، الحاج مولوي عبدالستار محمد، د دې ریاست اړوند د میکانیزې مدیریت له کرنیزو ماشینونو او وسایلو څخه لیدنه وکړه.
د لیدنې پر مهال، د کرنې رییس د میکانیزې مدیریت مسؤل ته لارښوونه وکړه، چې شته تراکتورونه او نور فعال وسایل او ماشینونه د وزارت د لایحې او کړنلارې له مخې په اجاره ورکړي. همداراز، هغه وسایل او ماشینونه چې ترمیم ته اړتیا لري، باید د جوړېدو لپاره کرنې وزارت ته وړاندیز شي.
د دې لیدنې موخه د کرنیزو خدمتونو اغېزمنتیا لوړول او د شته وسایلو او ماشینونو غوره ګټه اخیستل وو.
