لغمان کې پر ۸۴۸ بڼوالو د حاصلاتو راټولولو اړین توکي وېشل شوي
۱۳ لېندۍ ۱۴۰۳ه.ش
۲ جُمَادَى الثاني۱۴۴۶ه.ق
د لغمان دکرنې، اوبولګولو او مالدارۍ ریاست چارواکي وايي، چې دغه ولایت کې پر ۸۴۸ بڼوالو د حاصلاتو د راټولولو اړوند اړین توکي وېشل شوې دي.
ددې مرستې په ترڅ کې د لغمان ولایت د مرکز مهترلام او د یاد ولایت د قرغیو ولسوالی اړوند پر ۸۴۸ د دوه میلیونه او ۵۷۷ زره او ۴۰۰ افغانیو په ارزښت د بڼونو د حاصلاتو راټولولو اړوند اړین توکي وېشل شوي دي.
د بڼوالۍ اړوند د حاصلاتو د راټولولو دغه توکي د کرنې، اوبو لګولو او مالدارۍ ریاست په همکاري او د یواېنډيپي په مالي او اکشن اېډ مؤسسې په تخنیکي مرسته بڼوالو ته ورکړل شوي دي.
په مرسته شویو توکو کې هر بڼوال ته یو کېټ ورکړل شوی، چې پهکې یوه المونیمي زینه، د مېوې وزن معلومولو تلی، له ونې څخه د مېوې راټولولو قیچې او د مېوې د لېږد کرېټونه شاملې دي.
د لغمان د کرنې ریاست او مرستهکوونکی مؤسسې د یاد توکو د وېش پرمهال له بڼوالو غوښتنه وکړه، چې یاد توکي د حاصالاتو راټولولو کې وکاروي.
مرسته ترلاسهکوونکي بڼوال له یادو مرستو خوښ دي او غوښتنه کوي، چې راتلونکې کې دې هم ورته اړینې مرستې ورسره وشي.
