د پکتیکا مرکز کې پر یوشمېر مالدارانو د شېدو د پروسس توکي ووېشل شول
۱۲ لېندۍ ۱۴۰۳ه.ش
۱ جُمَادَى الثاني۱۴۴۶ه.ق
دپکتیکا ولایت دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې په مالي او د «او،آر،ډي» مؤسسې په تخنیکي همکارۍ ددې ولایت د مرکز شرنې ښار پر ۲۰ مالدارانو د شېدو پروسس اړونده توکي وېشلي دي.
د چارواکو په خبره ددې مرستې په لړ کې د شېدو پروسس کولو «چنر» ماشینونه وېشل شوي دي.
د پکتیکا ولایت دکرنې ریاست په خبره د شېدو د پروسس د ماشینونو د وېش موخه د نوي ټکنالوجۍ ترویج، د شېدو پاکوالي ښه مراعتول، د مالدارانو اقتصادي پیاوړتیا او د باکیفیته حیواني محصولاتو وړاندې کول دي.
باید وویل شي، چې د پکتیکا ولایت پر یوشمېر نورو مالدارانو به هم ورته مرستې ووېشل شي.
