په امارتي ځمکو باندې د مخاربراتي انتنونو د تثبيت په موخه د همغږۍ غونډه دائره شوه
۱۱ لېندۍ ۱۴۰۳ه.ش
۲۹ جُمَادَى الأول ۱۴۴۶ه.ق
په د کرنې وزارت د اراضۍ لوی رياست په مقام کې د اراضۍ لوی رییس مولوي محمود مظلوم، د مخابراتو وزارت د حقوقي چارو رییس مفتي نورالله، د دغه وزارت د اترا ادارې مالي او اداري معاون مفتي نجم الدین ملاخېل، د ماليې وزارت د دولتي عوايدو آمر امرخېل او د اراضۍ لوی رياست يو شمېر چارواکو په ګډون¸ په امارتي ځمکو باندې د مخاربراتي انتنونو د تثبيت په موخه د همغږۍ غونډه دائره شوه.
دغه غونډه چې مشري یې د اراضۍ لوی رییس مولوي محمود مظلوم کوله ټولو مربوطه څانګو ته دنده وسپارل شوه تر څو د افغانستان اسلامي امارت د مشرتابه د حکم د پلي کولو په موخه دې ټول ذيدخل ادارې د کرنې وزارت سره په همغږۍ د انتنونو ټولې پايې تثبيت، او د يادو انتنونو ټول عوايد دې د کرنې وزارت له لارې عمومي بوديجې ته راټول شي.
په پای کې چارواکو د هرډول همکارۍ تر څنګ د دغه کار د لا ښه والي او په ورسپارل شوي مسؤلیت کې د خنډ او ځنډ څخه د مخنيوي په موخه خپل نظرونه د اراضۍ لوی رییس سره شريک کړل.
د عالیقدر امیرالمؤمنین (حفظه الله تعالی) د حکم په اساس کرنې وزارت ته دنده سپارل شوې ترڅو د ماليې وزارت او اترا ادارې سره په همغږۍ په امارتي ځمکو باندې د مخابراتي انتنونو ټولې نصب شوې پايې تثبيت وروسته دې د ټولو تثبيت شويو انتنونو په اړه اړوندو مخابراتي شرکتونو سره دې قراردادونه وشي.
