د کندهار په کوهکران څېړنیز فارم کې د غنمو د کښت لپاره پلاټونه چمتو شول
۵ لېندۍ ۱۴۰۳ه.ش
۲۳ جُمَادَى الأول ۱۴۴۶ه.ق
په کندهار کې د کوهکران څېړنیز فارم د اګرانومي په برخه کې د غنمو د راغلیو تجربو لپاره پلاټونه د ټاکل شوي پروتوکول مطابق چمتو او د کښت لپاره تیار شول.
د دې پروسې موخه د غنمو کښت په معیاري ډول ترسره کول او د نوو کرنیزو تجربو له لارې د حاصلاتو د زیاتېدو څرنګوالي ارزول دي.
یاد څېړنیز فارم د کرنې سکتور د پرمختګ لپاره د غنمو په برخه کې د نوو میتودونو او ټکنالوژۍ پر ازمویلو تمرکز کوي.
