د پکتیکا کرنې رئیس د اکشن ایډ مؤسسې مسؤلینو سره وکتل
۳۰ لړم ۱۴۰۳ هـ.ش
۱۸ جُمَادَى الأول ۱۴۴۶ هـ.ق
د پکتیکا د کرنې، اوبو لګولو او مالدارۍ ریاست رئیس مولوي محمد زمان عمري د اکشن ایډ مؤسسې له مسؤلینو او کارکوونکو سره په یوه ناسته کې د کرنې او بڼوالۍ په برخه کې د همکارۍ غوښتنه وکړه.
په دې ناسته کې د پکتیکا ولایت د کرنې، اوبو لګولو او مالدارۍ رئیس مولوي محمد زمان عمري د کرنې او مالدارۍ د سکتور پر پرمختګ خبرې وکړې او ډاډ یې ورکړ، چې د کرنې سکتور د پرمختګ لپاره به له اکشن ایډ مؤسسې سره هر اړخیزه همکاري وکړي. نوموړي د مؤسسې له استازو وغوښتل، چې په دې سکتور کې خپلې همکارۍ زیاتې کړي.
د اکشن ایډ مؤسسې مسؤلینو د خپلو پروژو او راتلونکو پلانونو په اړه معلومات ورکړل او د همکارۍ د دوام ډاډ یې څرګند کړ.
دا ناسته د پکتیکا په کرنیز سکتور کې د اکشن ایډ مؤسسې د همکاریو د لا پیاوړتیا لپاره ترسره شوه.
