خوست ولایت کې د عشر راټولولو له چارو څارنه ترسره شوه
د خوست ولایت کرنې، اوبو لګولو او مالدارۍ ریاست د ځاځي میدان، صبریو او باک ولسوالیو کې د عشر راټولولو فعالیتونو څخه څارنه وکړه. دغه څارنه د عشر راټولولو او ګزارشونو تنظیم آمر مولوي اظهارالدین ابوناصر، د زکات راټولولو آمر مولوي حفیظ الله نثار، د عشر زکات عوایدو تنظیم او محاسبې آمر قاري سید مرجان خالد او د عشر کارپوه عبدالمجید منیب په ګډون ترسره شوه.
د یادو ولسوالیو عاشرینو او عاملینو ته د خپلو دندو په وخت سرته رسولو او ټولو ساحو ته د رسیدګۍ په برخه کې د ښې همغږۍ او تفاهم سپارښتنه وشوه. د دغو کارمندانو له اجرأتو څخه په ساحو او دفتر کې څارنه وشوه.
