د هلمند ولایت بولان څېړنیز فارم کې د دوبنیو نباتاتو حاصلاتو راټولولو چارې پیل شوې
۶ لړم ۱۴۰۳ه.ش
۲۴ رَبِیعُ الْثاني ۱۴۴۶ه.ق
دهلمند ولایت د کرنې ، اوبولګولو او مالدارئ ریاست اړوند، بولان څیړنیز فارم کې د دوبنیو نباتاتو د کرنیزو څېړنو دحاصلاتو راټولولو چارې پیل شوې.
د دیادو حاصلاتو په لړ کې چې د نوموړي فارم په بېلابېلو سیمو کې (لمر ګل، ممپلۍ، کنځلې او سویابینو) قطعات کرل شوي ؤ دامهال یې د حاصلاتو راټولولو چارې روانې دي، چې وروسته به ورڅخه په لاس راغلي تخمونه پروسس شي.
د یادونې وړ ده، چې په یاد فارم کې څېړنیزې چارې د ځانګړي پلان له مخې په منظم ډول روانې دي، چې د مسلکي کارمندانو لخوا ورباندې څېړنې کېږي.
دغه اصلاح شوي تخمونه به د ځانګړې کړنلارې له مخې ددولتي تصدئ ترڅنګ خصوصي شرکتونو ته د لا ډېرولو او رواجولو په موخه ورکول شي، چې د هغوئ له لارې به بیا تر بزګرانو پورې ورسول شي.
