لغمان: دعلیشنګ اړوند ولسونو سره دعشر او زکات د راټولولو په موخه دعامه پوهاوی ناسته ترسره شوه
دلغمان د کرنې اوبولګولواومالدارۍ ریاست اړوند دعلیشنګ ولسوالی دعشراوزکات مسؤلینو له لوري ددې ولسوالی دغازي آباد سیمې له قومي مشرانو او علماؤکرامو سره دعشراو زکات د ورکړې په هکله ناسته ترسره شوه.
په دغه ناسته کې دعشر او زکات د مسؤلینو له لوري دعشر اوزکات د ورکړې په هکله داسلامي شریعت په رڼا کې ارزښمتندې خبرې اترې وشوې. همداراز د ځايي سیمې له قومي مشرانو او علماؤ کرامو څخه یې وغوښتل، چې د عشر دعاملینو سره د یادې چارې د ترسره کولو پرمهال همکاري وکړي په ورته مهال یادو مشرانو او علماؤ کرامو په یاده برخه کې د پوره همکاریو ډاډ ورکړ.
ترناستې وروسته د نوموړې ولسوالۍ د عشر مدیر قاري سیدجلال الدین سعیدي دسالاب غونډی سیمې ته لاړ او هلته یې د جوارو د فصل د عشر دراټولولو له روان بهیر څخه څارنه وکړه او عاملینو ته یې سپارښتنه وکړه، چې له ولسونو سره د عشر دورکړې پرمهال نیک چلند څخه کار واخلي.
