د ننګرهار ولایت د ځمکې غصب مخنیوی او غصب شویو ځمکو بېرته راکرځولو تخنیکي پلاوي کړنې
۲۸ تله ۱۴۰۳ه.ش
۱۶ رَبِیعُ الْثاني ۱۴۴۶ه.ق
د ننګرهار ولایت د اماراتي، سلطاني، مرعي او وقفي ځمکو د غصب مخنیوی او غصب شویو ځمکو بېرته راکرځولو تخنیکي پلاوي غړي په دې ولایت کې د ځمکې غصب مخنیوی او بېرته راګرځولو په پار هلې ځلې کړندي کړي دي.
ددغو هلو ځلو په دوام د ننګرهار ولایت تخنیکي په ګمبیري سیمه کې پخپل سر او په ټیټه بیه د تاسیساتو ریاست له لورې په اجاره ورکړل شوو ځمکو څخه لیدنه وکړه.
پدې لیدنه کې د ننګرهار د کرنې رییس او دتخنیکي پلاوي مشر مولوي محمد ولي محسن سربېره د عدلیې رییس، د حج او اوقافو رییس، د قومندانۍ مرستیال، قضاي امارت امر او تخنیکي کارکوونکو برخه اخیستي وه.
د ننګرهار دکرنې رییس او دتخنیکي پلاوي مشر مولوي محمد ولي محسن وویل د ننګرهار والي په لارښوونه یي په ګمبیري کې د نوي تاسیساتو او کارونو د مخنیوي لپاره د ګمبیري سیمی ته سفر وکړ.
ښاغلي محسن وویل د دفاع وزارت په چوکاټ کې د تاسیساتو ریاست پخپل سر په ټیټه بیه د ګمبیري ځمکې خلکو ته په اجاره ورکوي؛ چې دا کار د ځمکو او اجار دهۍ د قانون خلاف عمل دي.
ګمبیري دښته زرګونه جریبه ځمکه لري، چې یو اندازه ځمکه یې د کرنې ریاست له لورې او ډېره برخه یې تاسیساتو ریاست پخپل سر په اجاره ورکړېده او یو څه برخه یې ځینو خلکو غصب کړېده.
