فراه کې د څلورو کانالونو رغنیزې چارې بشپړ او ګټې اخیستلوته و سپارل شول

٢۴ تله ۱۴۰۳ه‍.ش
۱۲ رَبِیعُ الْثاني ۱۴۴۶ه‍.ق
د فراه دکرنې، اوبولګولو او مالدارۍ ریاست په همغږی د (آر،او،پي) مؤسسې په تخنیکي همکارۍ او د ملګرو ملتونو پراختیایي ادارې د (یو،ان،ډی،پی) په مالي لګښت د فراه مرکز اړوند ناصرآباد او ریګي پایین په سیمو کې د اوبولګولو څلور کانالونه د څه باندې ۳ زره متر په اوږدوالي سره په پاخه او اساسي ډول سره بشپړ او ګتې اخیستنې ته و سپارل شول.
د فره ولایت دکرنې ریاست چارواکي وایي، چې ددې پروژې په بشپړېدو سره ۴۷۶ هکتاره ځمکه خړوبېږي، چې 1300 کورنۍ  په مستقیم توګه تری ګټه اخلي.
ددغو پروژو د پلي کولوموخه د اوبو د ضایعاتو خنیوی، بزګرانو ته پر خپل وخت اوبو رسول او په ټوله کې د ابو مدیریت ښودل شوی دی.