هلمند کې لسګونو مالدارانو سره مرسته وشوه
٢۳ تله ۱۴۰۳ه.ش
۱۱ رَبِیعُ الْثاني ۱۴۴۶ه.ق
دهلمند ولایت دکرنې، اوبولګولو او مالدارۍ ریاست اړوند د مالدارۍ او حیواني روغتیا آمریت لخوا، د هالنډ کمیټې په مالي همکارۍ مرکز لښکرګاه کي ۱۰۰ تنو مالدارانو سره د شیدو ساتلو المونیمي لوښو مرسته وشوه.
دغه مرستې هغو څاروي روزونکو او مالدارانو ته ترسره شوه، چې د شېدو راټولونې او پیرودنی مرکزونو باندې شیدې پلوري.
ددغو لوښو په مرسته به ځایي مالداران خپلې شیدې په منظم ډول یادو مراکزو ته رسوي، چې له مخې به یې د شیدو د ضایعاتو او ناروغیو د لیږد مخنیوی په برخه کې لازمې اسانتیاوې رامنځته شي.
د هلمن د کرنې ریاست هڅه کوي، ترڅو د بېلابېلو برنامو له لاري د بزګرو او مالدارو لاسنیوی وکړي ترڅو د دوی په کرنیز اقتصاد کي بهبود او نوښت رامنځته شي.
