د کندهار ارغنداب ولسوالی مالدارانو سره د ستونزو د حل په موخه غونډه وشوه
٢۲ تله ۱۴۰۳ه.ش
۱۰ رَبِیعُ الْثاني ۱۴۴۶ه.ق
د کندهار د کرنې، اوبو لګولو او مالدارۍ ریاست په همغږۍ د ارغنداب ولسوالۍ د کرنې مسؤلینو د یادي ولسوالۍ د مالدارانو سره غونډه وکړه. په دې غونډه کې د مالدارانو ستونزې واورېدل شوې او اړینې پرېکړې د حل په موخه ونیول شوې.
په غونډه کې، د ارغنداب ولسوالۍ د کرنې مسؤل حافظ احمد، د مالدارانو ستونزې واورېدې چې پکې د څارویو واکسین، وړیو ته بازارموندنه، د څارویو د خوراکي موادو مرسته او د زکات اړوند موضوعات شامل وو.
حافظ احمد د ټولو مالدارانو د راتګ څخه مننه وکړه او زیاته یې کړه، چې د کرنې، اوبو لګولو او مالدارۍ ریاست همېشه هڅه کړې ده، چې د مالدارانو لپاره اسانتیاوې برابرې کړي او د اړتیا په وخت کې له هغوی سره اړینې مرستې ترسره کړي. هغه د مالدارانو سره د هر ډول همکارۍ ژمنه وکړه او د هغوی د لاسنیوي لپاره یې ډاډ ورکړ.
