هلمند کې د حیواني محصولاتو پیاوړتیا په موخه دچرګانو له فارمونو او وړیو کاروباریانو سره لیدنه وشوه
دهلمند ولایت د کرنې، اوبولګولو او مالدارۍ ریاست اړوند د نوزاد ولسوالی کرنیزو خدمتونو مدیریت کارکوونکو له خوا د چرګانو روزلو فارمونو او د څارویو د وړیو کاروباریانو له مراکزو او هټیو څخه لیدنه او ارزونه وشوه.
ددې لیدنې په ترڅ کې په ترڅ کې د چرګانو فارم لرونکو ته د بېلابېلو ناروغیو مخنیوی او همدارنګه لسګونو کسانو ته د څارویو د وړيو راټولولو او ډلبندۍ په اړه عامه پوهاوی ورکړل شو.
په ورته مهال دچرګانو روزونکو او د څارویو د وړیو کاروباریانو د عامه پوهاوی له یادې پروسې څخه خوښي وښوده او راتلونکي کې یې هم د کرنې ادارې څخه په دې برخه د لا زیاتو همکاریو غوښتنه وکړه .
