د کندز خان آباد کې یوشمېر مالداران وروزل شول
د کندز ولایت د کرنې، اوبولګولو او مالداري ریاست اړوند د مالداري او حیواني روغتیا آمریت کارکوونکو لخوا، د «او،آر،ډي» مؤسسې په تخنیکي همکارۍ ددې ولایت د خان اباد ولسوالی ۳۵ مالدارانو ته د سایلیج جوړولو لارې چارې وښودل شوې
د عامه پوهاوی په دې پروسه کې یادو مالدارانو ته د سایلیج جوړولو لارې چارې په عملي بڼه وښودل شوې او ترڅنګ یې دوی سره د څارویو د مدیریت په هکله هم اړخیز معلومات شریک شول.
په ورته مهال ګډونوالو د عامه پوهاوی له یادې پروسې څخه خوښي وښوده او راتلونکي کې یې هم د کندز د کرنې ادارې څخه په دې برخه د لا زیاتو همکاریو غوښتنه وکړه.
سایلیج د ژمي په موسم کې د څارویو شنه خوراکي توکي دي، چې مالداران کولای شي د اوړي په موسم کې له شنو وښو «سایلیج» جوړ او د ژمي په موسم کې یې خپلو څارویو ته ورکړي.
