ننګرهار کې د ځمکې غصب او غصب شویو ځمکو بېرته راګرځولو کمېټې غونډه دائره شوه

۷ تله ۱۴۰۳ه‍.ش
۲۵ رَبِیعُ الْأَوَّل ۱۴۴۶ه‍.ق
د ننګرهار ولایت د امارتي، سلطاني، مرعي او وقفي ځمکو د  غصب مخنیوی او غصب شویو ځمکو بېرته راکرځولو تخنیکي پلاوي پر مهمو موضوعاتو غونډه وکړه.
په یاده غونډه کې، د کرنې اداري او تخنیکي پلاوي رییس مولوي محمد ولي محسن  سربېره، د  ښارجوړونې رییس، قبایلو او سرحداتو رییس، ننګرهار مستوفي، استخباراتو مرستیال او کدستر مسول ګډون کړی وو.
د ننګرهار کرنې، اوبو لګولو او مالدارۍ رییس او دتخنیکي پلاوي مشر مولوي محمد ولي محسن وویل دوی د چمتلي ښارګوټي، سپین غر هوټل، بټی کوت ولسوالی سي پای قوم، لعلپوري ولسوالی د ځایي خلکو او کوچیانو ترمنځ دځمکو مسلو اونورو اړونده موضوعاتو باندې خبرې اترې وکړې.
ښاغلي محسن وویل، چې د یادو مسایلو په برخه کې جدي او لازمي پریکړې وشوې. دغه راز پریکړه وشوه، چې د سپین غر هوټل دوسیه دي ښه وڅېړل شی او دمرکز سره شریک شي.
همدارنګه د بټي کوټ ولسوالی سي پای قوم او لعلپوري ولسوالی د ځایي خلکو او کوچیانو د ځمکو د تشخیص، تثبیت او ښې څېړنې په موخه یوه کمیټه وټاکل شوه؛ ترڅو د یادو ځمکو سکیج، کروکي، جریبي اندازې معلومولو او نورو اړونده برخو کې معلومات واخیستل شي.
په ورته وخت کې د اداراتو او ولسي وګړو پر عرایضو بحث وشو او پر ډېرې برخو کې پرېکړه وشوه، ترڅو د عامه ملکیتونو د له منځه تللو مخنیوي وشي.