دکرنې وزارت د اراضۍ لوی رییس ورسره مل پلاوي لغمان ولایت ته دخپل سفر په ترڅ کې د دې ریاست رییس او داراضۍ برخې له کارکوونکو سره وکتل
۳۱ وږی ۱۴۰۳ه.ش
۱۸ رَبِیعُ الْأَوَّل ۱۴۴۶ه.ق
دکرنې، اوبولګولو او مالدارۍوزارت د اراضۍ لوی رییس مولوي محمود مظلوم او ورسره مل پلاوي په داسې حال کې، چې د مالې او حسابي چارو رییس مولوي ضیاالدین واقف، دځمکو دمعلوماتو دسیستم او دځمکو دبانک رییس انجینراحسان الله الهام او داراضۍ ریاست یوشمېر نورو کارکوونکو یې ملتیا کوله لغمان ولایت ته دخپل سفر په ترڅ کې د دې ریاست له کارکوونکو سره د چارو د اروزنې،ستونزو د اوریدو او دقرغیو ولسوالی دنهرکریم او نجارانو قلعه سیمو دځمکو د بررسي په موخه وکتل.
په دغه کتنه کې داراضۍ لوی رییس مولوي محمودمظلوم د اراضۍ برخې کارکوونکو څخه د ځمکو داجاره ورکونې، د ځمکودغصب مخنیوي او داجاره دارانو د اجارو دحسابونو تحویلي برخو کې ارزونه وکړه او دوی ته یې په دغو برخو کې اړینې سپارښتنې وکړې او ددې برخې د کارکوونکو ستونزې یې واوریدې.
په ورته مهال د لغمان دکرنې،اوبولګولو او مالدارۍ رییس مولوي عبدالستار محمد راغلي پلاوي ته دښه راغلاست او هرکلي ویلو ترڅنګ دځمکوالۍ چارو د اجرا په برخه کې بشپړ ډاډ ورکړ د دې سربېره یولړ شته ستونزې او وړاندیزونه یې له راغلي پلاوي سره دحل په پار شریک کړ چې دراغلي پلاوي له لوري ورته دحل ډاډ ورکړشو .
وروسته دکتنې څخه یاد پلاوی او دکرنې رییس د قرغیو ولسوالی اړوند نهرکریم او نجارانو قلعه سیمو ته سفر وکړ او په دغو سیمو کې دکدستري نقشو په تطبیق سره د ځمکې بررسي وکړه.
