ننګرهار کې د ځمکې غصب او غصب شویو ځمکو بېرته راګرځولو کمېټې غونډه دائره شوه

۳۱ وږی ۱۴۰۳ه‍.ش
۱۸ رَبِیعُ الْأَوَّل ۱۴۴۶ه‍.ق
د ننګرهار ولایت د امارتي، سلطاني، مرعي او وقفي ځمکو د  غصب مخنیوی او غصب شویو ځمکو بېرته راکرځولو تخنیکي پلاوي پر مهمو موضوعاتو غونډه وکړه.
په یاده غونډه کې، چې د کرنې اداري او تخنیکي پلاوي رییس مولوي محمد ولي محسن  سربېره، د  ښارجوړونې رییس، قبایلو او سرحداتو رییس، ننګرهار مستوفي، استخباراتو مرستیال او کدستر مسول ګډون کړی وو.
غونډه کې د ننګرهار کرنې، اوبو لګولو او مالدارۍ رییس او دتخنیکي پلاوي مشر مولوي محمد ولي محسن وویل، دوی د چمتلې ښارګوټي، غلام ډاګ د تېلو پمپ، د هسکي مېني او کوټ ولسوالیو ترمنځ ځمکي په اجاره ورکولو، د تخنیکي پلاوی د لګښتونو تصفیه،بي سرپنا افغانانو لپاره د ځاي معلومولواو نورو اړونده موضوعاتو باندې خبرې وکړې.
ښاغلي محسن وویل د یادو مسایلو په برخه کې جدي او لازمي پریکړې وشوې او په ځینو مواردو کې د ښارګوټو د نږدې څخه پر لیدلو ټینګار هم وشو.
دغه راز پریکړه وشوه چې د ولایت مقام له طریقه ننګرهار۲۲ ولسوالیو ولسوالان او امنیه قومندانانو ته خبر ورکړل شي؛ چې په امارتي ځمکو کې هیچاته پخپل سر د کار کولو اجازه ورنکړل شي.
په ورته وخت کې د اداراتو او ولسي وګړو پر عرایضو بحث وشو او پر ډېرې برخو کې پرېکړه وشوه، ترڅو د عامه ملکیتونو دمینځه تللو مخنیوی وشي.