د نیمروز د کرنې ریاست اداري کارکوونکو ته روزنیز پروګرام پیل شو
د نیمروز د کرنې، اوبولګولو او مالدارۍ ریاست د لسګونو کارکوونکو لپاره د همدې ولايت د اداري اصلاحاتو او ملکي خدماتو د آمریت لخوا د ولایت مقام د بشري سرچینو د آمریت په همکارۍ د « د وخت مدیریت، راپور ليکلو او دفترداري اصولو» اړوند د ظرفیت لوړونې درې ورځنۍ روزینز پروګرام پیل شو.
د نيمروز ولایت د اداري اصلاحاتو او ملکي خدماتو مسؤول، مولوي محمد عیسی"ثاقب" وايي، چې د اداري بهیر د چټکتیا او مسلکيتوب د رامنځهکولو په پار د کرنې، اوبولګولو او مالدارۍ رياست ۳۵ تنه کارکوونکو ته د ظرفیت لوړونې درې ورځنۍ سیمینار پیل شو.
د ښاغلي ثاقب په خبره، په دې سمینار کې د استاذانو له خوا د وخت مديريت، راپور ليکلو او د دفترداري د اصولو په تړاو معلومات وړاندې کیږي او د ياد سمينار له جوړېدو څخه موخه د امارتي ادارو د کارکوونکو ظرفیت لوړول یادوي.
په ورته مهال د نيمروز ولایت مقام د بشري سرچینو آمر، مولوي سراجالدین "فرهاد" د ورته سمينارونو جوړول د اداري اصلاحاتو په برخه کې اغېزمن وبلل او له ګډونوالو يې وغوښتل، چې په ادارو کې وړاندې کېدونکي اصول، مراعت او پلي کړي.
