د ننګرهار درېیو ولسوالیو کې ۲۶۰ بېوزله کورنیو ته د کورني اقتصاد پیاوړتیا په موخه خوسۍ ووېشل شوې
۷ زمری ۱۴۰۳ه.ش
۲۲ مُحَرَّمُ الحَرام ۱۴۴۶ه.ق
د ننګرهار د کرنې، اوبولګولو او مالدارۍ ریاست سره په همغږۍ د ډاکار خیریه مؤسسې په تخنیکي همکارۍ او ډانېډا په ۶.۵ میلیونه افغانیو مالي لګښت د ننګرهار په چپرهار، پچیراګام او هسکې مېني ولسوالیو کې دنارینوو اومېرمنو جوړ شویو صنفونو ته خوسۍ ووېشل شوې.
د ننګرهار د کرنې، اوبولګولو او مالدارۍ ریاست د مالدارۍ خدمتونو او څارویو روغتیا امر ډاکتر محمد ضمیر بهسودي وویل، چې د خوړو خوندیتوب تر نامه لاندې پروژې له لورې په یادو ولسوالیو کې۲۶۰ بېوزله او ناچاره نارینه او مېرمنو ته د اقتصادي پیاوړتیا په موخه خوسۍ ورکړل شوې.
نوموړی وویل د موسسي د شرایطو مطابق هره خوسۍ یو کلنه محلي دو رګه دی؛ چې ناروغیو څخه پاکې او د هرې ژوندۍ خوسۍ وزن له ۱۰۰ تر ۱۳۰ کیلو پوري دي.
د ننګرهار د کرني ریاست د مالدارۍ آمر زیاته کړه یاده مؤسسه د یادو ولسوالیو سربېره په یوشمېر ولسوالېو کې هم ناچاره مېرمنو ته د مالدارۍ دپیاوړتیا په موخه په ورته شرایطو برابر خوسۍ وېشلي دي.
