فراه کې د اوبولګولو پروژې څخه څارنه وشوه
۱۳ چنګاښ ۱۴۰۳ه.ش
۲۶ ذیالحِجّة ۱۴۴۵ه.ق
د فراه د کرنې، اوبولګولو او مالدارۍ ریاست د ملګرو ملتونو پراختیایي ادارې په مالي او «او،آر،پي» مؤسسې په تخنیکي همکارۍ د فراه مرکز اړوند د مروارید او ناصر آباد په کلیو کې کانالونو رغنیزې چارې پیل شوي دي، چې د یادو کانالونو رغنیزې چارې په چټکۍ روانې دي او ډېر ژر به ګټې اخیستنې ته وسپارل شي.
د فراه دکرنې، اوبولګولو او مالدارۍ ریاست چارواکي وویل، چې یاد کانالونه په پاخه او اساسي ډول رغول کېږي.
د فراه دکرنې ریاست د چارواکو په خبره ددې پروژې په بشپړېدو سره به زرګونه جریبه کرنیزه ځمکه خړوبه او زرګونو ځایي خلکو ته به د کار زمینه هم برابره شي.
د یادو کانالونو په رغنیزو چارو کې سلګونو کسانو ته د کار زمینه برابره شوي؛ چی د څو ورځو په موده کې به دکانال چارې بشپړې شي.
په همدې حال کې د سیمې اوسیدونکو د یادو کانالونو په جوړېدو خوښي وښوده او دفراه کرنې، اوبولګولو او مالدارۍ ریاست او د پروژې له مسولینو څخه مننه وکړه د دوی ستونزو ته رسېدنه کوي.
