د ننګرهار د کرنې رییس په څېړنیز فارم کې له روانو فعالیتونو څخه لیدنه وکړه
د ننګرهار د کرنې، اوبولګولو او مالدارۍ رییس مولوي محمد ولي محسن د ننګرهار په څېړنیز فارم کې د روانو کړنو او فعالیتونو څخه لیدنه وکړه.
ددې لیدنې په ترڅ کې د ننګرهار دکرنې ریاست د کرنیزو خدمتونو امر او دفارم مدیر له لورې ورته د کرل شویو او راتلونکي کرونکي نباتاتو، شته ستونزو، لاسته راوړنو او نورو اړونده برخو کې معلومات ورکړل شو.
په همدې حال کې د ننګرهار د کرنې، اوبولګولو او مالدارۍ رییس مولوي محمد ولي محسن د فارم مسؤلینو څخه دښو کارونو ترسره کولو برخه کې ستاینه وکړه.
ښاغلي محسن مسؤلینو ته لازمې سپارښتني وکړې او وویل د یاد فارم دلا پیاوړتیا لپاره د کرنې، اوبولګولو او مالدارۍ وزارت او مختلفو مؤسسو سره په اړیکه کې یو، ترڅو د کرنې په برخه کې بزګرانو ته غوره چوپړتیاوې وړاندې او دکرنیزو توکو پر حاصله ډولونو سپارښتنه ورته وکړو.
