کندهار کې د چرګانو روزنې فارمونو او شرکتونو ستونزو ته د رسېدنې په پار غونډه دائره شوه
د کندهاردکرنې، اوبولګولو او مالدارۍ ریاست چارواکو ددې ولایت د چرګانو روزنې فارمونو او دکرنې او مالدارۍ سکټور په برخه کې د فعالو شرکتونو ستونزو ته د رسېدنې په پار د همغږۍ غونډه دائره کړه.
دغه غونډه، چې د کندهار دکرنې ریاست دکرنیزو چارو آمر الحاج مولوی شمس الرحمن موسی په مشرۍ دائره شوې وه په کې، د مالدارۍ او حیواني روغتیا آمر حاجي محمد حامد، د چرګانو روزنې فارمونو او شرکتونو استازو ګډون درلود.
د غونډې په پیل کې د کندهار دکرنې ریاست دکرنیزو چارو آمر الحاج مولوی شمس الرحمن موسی وویل: «د افغانستان اقتصاد تر ډېره په کرنه او مالدارۍ ولاړه ده، باید یادو برخو ته ډېره پاملرنه او کار ووشي او د کندهار ولایت باید د کرنې او مالدارۍ په برخه کې پر ځان بسیاشي.»
په همدې حال کې د کندهار ولایت د چرګانو روزنې یوشمېر نورو فارم لرونکو خپلې ستونزې او غوښتنې دکندهار دکرنې ریاست له چارواکو سره شریکې کړې، چې د کندهار ریاست دکرنیزو چارو آمر د دوی ستونزو او ننګونو ته د رسېدنې او دوی ته د اسانتیاوو برابرولو په پار د هر اړخیزې همکارۍ ډاډ ورکړ.
