د ننګرهار دکرنې رییس همکارو مؤسسو سره د چارو ښه والي په موخه د همغږۍ ناسته ترسره کړه

۵ غبرګولی ۱۴۰۳ه‍.ش
۱۶ ذوالقعده ۱۴۴۵ه‍.ق
د ننګرهارد  کرنې، اوبولګولو اومالدارۍ رییس مولوي محمد ولي محسن د ننګرهار د کرنې ریاست تر چتر لاندې همکارو مؤسسو سره د کارونو ښه والې په موخه ناسته ترسره کړه.
د ننګرهار د کرنې رییس مولوي محمد ولي محسن د موسسو مسؤلینو ته په ولسوالیو کې د متوازن پرمختګ، د  ا.ا.ا د اصولو له مخې د کارونو پر مخ وړلو، د  اړتیا پر اساس پروژو ډیزاین، مستحقو بزګرانو او مالدارانو  د چوپړتیاوو پر وړاندې کولو سپارښتنې وکړې.
دغه راز د ننګرهار دکرنې رییس د مؤسسو مسؤلینو څخه وغوښتل، چې د عصري او میکانیزه کرنې په موخه پر بزګرانو د اصلاح شویو تخمونو او کیمیاوي سرو وېش ترڅنګ، د بڼوالي ترسره کولو، کتاري کرنې  او عامه پوهاوي په برخو کې مرستې وکړي.
په ورته وخت کې د مؤسسو استازو خپلې ستونزې د کرنې رییس ته وړاندې او دخپلو فعالیتونو او لاسته راوړنو په تړاو د کرنې رییس سره  معلومات شریک کړل.