میدان وردګو کې پر سلګونه جریبه ځمکه د غنمو اصلاح شوي تخمونه کرل شوي
۵ غویی ۱۴۰۳ه.ش
۱۵ شَوّال المُکَرَّم ۱۴۴۵ه.ق
د میدان وردګو دکرنې، اوبولګولو او مالدارۍ ریاست چارواکي وايي، چې ددې ولایت دکرمز میدان ښار ترڅنګ د یاد ولایت د ولسوالیو په سلګونه جریبه ځمکه کې د غنمو اصلاح شوي تخمونه کرل شوي دي.
د چارواکو په خبره دغنمو دغه مقام ورایټۍ اصلاح شوي تخمونه او کیمیاوي سرې دکرنې وزارت او همکارو مؤسسو په همکارۍ پر دغو بزګرانو وېشل شوي دي، ترڅو له خپلو کروندو څخه غوره حاصلات ترلاسه کړي.
باید وویل شي، چې د کرنې وزارت له خوا د هېواد په کچه پر زرګونو بزګرانو د غنمو اصلاح شوي تخمونه او کیمیاوي سرې وېشل شوي دي، چې ورسره به د بزګرانو د عوایدو کچه لوړه او ترڅنګ یې د هېواد د غنمو اړتیاوې به هم تر یوې کچې پوره شي.
