پکتیا کې د دوو کانالونو د رغولو چارې ۵۰ سلنه بشپړ شوي دي
۱۳ تله ۱۳۹۸
د پکتیا د کرنې، اوبولګولو او مالدارۍ ریاست چارواکي وایي، چې ددې ولایت د مرکز ګردیز اړوند د «جوی جنګل او جوی دستا» د اوبولګولو کانالونو د جوړولو چارې په چټکۍ رواني دي، چې د رغولو چارې به یې ډېر ژر بشپړ او ګټې اخیستنې ته به وسپارل شي.
د پکتیا د کرنې رییس انجنیر محمدالدین مومند یادو کانالونو څخه د لیدنې پر مهال وویل، چې د دغو کانالونو د رغولو چارې ۵۰ سلنه پر مخ تللي او پاتې چارې به یې هم ژر بشپړ او ګټې اخستنې ته به وسپارل شي.
دغه کانالونه په پاخه او اساسي ډول رغول کیږي، چې د اوبو د تنظیم او وېش په برخه کې د یادو سیمو د بزګرانو ستونزې په اساسي توګه هواروی.
د دغو کانالونو رغول ددې ترڅنګ، چې د اوبو د ضایعاتو مخه نیسي د کانالونو تر پوښښ لاندې ځمکو د حاصلاتو د ډېر والي سبب هم کیږي.
