ننګرهار کې سږ کال د ځمکني توتانو حاصل ۳۱۰ ټنه اټکل شوی
۲۸ وری ۱۴۰۳ه.ش
۷ شَوّال المُکَرَّم ۱۴۴۵ه.ق
د ننګرهار د کرنې، اوبولګولو او مالدارۍ رياست دمعلوماتو په اساس سږ کال په دې ولايت کې د ځمکني توتانو حاصل ۳۱۰ مټریک ټنه اټکل شوی دی.
دننګرهار د کرنې، اوبولګولو او مالدارۍ رییس مولوي عبدالستار محمد وویل، چي ځمکني توتان د کوکنارو ښه بديل دی او د کر پراختيا په موخه يې هڅې کوي.
ښاغلي محمد وایې ځمکني توتان اوسمهال د ننګرهار په سرخ رود، خوږياڼو او دره نور ولسواليو کې پر ۱۷۵ جریبه ځمکه کرل شوي دي.
تېر کال په ننګرهار کې پر ۶۰ جریبه ځمکه کرل شوې وه، چې ۲۶۲.۵ مټریک ټنه حاصل یې ورکړي وه.
بل لورته د ځمکني توتانو پلورونکي وايي، چې د ځمکني توتانو اخیستونکي او مینوال ډېر شوی او هره ورځ په کافي اندازه ځمکني توتان پلوري، چې ترې ښه عاید ترلاسه کوي.
