د کابل سروبي کې د انارو بڼونو جوړولو په پار پر یوشمېر بڼوالو نیالګي ووېشل شوه
د کابل د کرنې، اوبولګولو او مالدارۍ ریاست د مرستندویو مؤسسو په همکارۍ ددې ولایت د سروبي په ولسوالی کې د انارو بڼونو پراختیا په موخه پر یوشمېر بڼوالو د انارو معیاري ینالګي وېشلي دي.
د چارواکو په خبره ددغو وېشل شویو نیالګیو له لارې په دې ولسوالی کې د انارو ۱۵ بڼونه جوړېږي، چې ورسره ددې سیمې د انارو د حاصلاتو کچه لوړه او د انارو بڼونو پراختیا ته زمینه برابرېږي.
ددې مرستې موخه په دې ولسوالی کې د انارو بڼونو دودول، د بزګرانو ملاتړ او په ټوله کې د هېواد د بڼوالۍ سکټور ودې او پراختیا ته زمینه برابرول دي.
