هلمند ولایت کې د غنمو سلګونه جریبه اصلاح شویو تخمونو له کروندو څخه څارنه وشوه 

۱۶ وری ۱۴۰۳ه‍.ش
۲۵ رَمَضانُ المُبارَک ۱۴۴۵ه‍.ق
هلمند کې د اصلاح شویو تخمونو د کروندو د څارنې په لړ کې، ددې ولایت دکرنې، اوبولګولو اومالدارۍریاست لخوا، سوېل لویدیځ زون د اصلاح شویو تخمونو تصدیق ورکولو  امریت د مسلکي کارکوونکو له لوري د اصلاح شویو تخمونو خصوصي شرکت ٩٦٥ جریبه، هلمند مثمر شرکت د غنمو له ٢٥٢ جریبه او داصلاح شویو تخونو دولتي شرکت ٣٢٤ جریبه  کروندو څخه څارنه وشوه.
دغه څارنه په ناوې او مارجې ولسوالیو کې د هغو کروندو څخه ترسره شوه، چې سږکال د هلمند ولایت کرنې ریاست له لورې دوی ته اصلاح شوي تخمونه په واک کې ورکړل شوي دي، ترڅو هغه په خپلو ځمکو کې وکري او بیا یې د ځانګړو پړاوونو له بشپړو وروسته اصلاح شوي تخمونه ترې ترلاسه کړي.
دهلمند ولایت کرنې ریاست مامورینو لخوا دغو بزګرو ته د څارنې پر مهال په بېلابېلو برخو کې د ښو تخمونو لاسته راوړلو په موخه لازمې لارښؤنې وشوې.